Robo fainali za Ligi ya Mabingwa wa CAF ya TotalEnergies kwa msimu wa 2022/23 zinaonyesha kusheheni na hadithi ndogo na usiri, huku mabingwa watetezi Wydad Casablanca kutoka Morocco wakiwa miongoni mwa timu nane ambazo zimehakikishiwa nafasi zao.
Mabingwa mara nane, Al Ahly ya Misri, pia walihakikisha nafasi yao katika nane bora baada ya kumaliza hatua ya makundi ya mashindano siku ya Jumamosi usiku.
Wydad wanaungana na mahasimu wao wa jiji Raja kutoka nchini mwao na klabu ya Simba kutoka Tanzania, katika kundi C.
Wakati huo huo, timu za Algeria JS Kabylie na Belouizdad, Esperance ya Tunisia, na klabu ya Mamelodi Sundowns ya Afrika Kusini ziliendelea mbele katika mashindano hayo.
Mechi kali zinatarajiwa wakati droo ya robo fainali itakapofanyika siku ya Jumatano tarehe 5 Aprili 2023 mjini Cairo, Misri, saa 20:30 saa za huko (18:30 GMT na 21:30 saa za Afrika Mashariki).
Droo hiyo itakuwa mubashara kupitia majukwaa ya kidigitali ya CAF na washirika wao wa TV.
Hapa chini ni muhtasari wa jinsi timu nane zilivyofuzu kutoka kwenye makundi yao tofauti:
Kundi A
Mabingwa watetezi Wydad Athletic na CR Belouizdad ya Algeria walikuwa tayari wamefuzu kabla ya mechi ya sita, na mechi yao ilikuwa ni kwa ajili ya kufahamu nafasi zao.
Wydad walishinda 3-0 dhidi ya Waalgeria na kumaliza juu ya kundi hilo na pointi 13, huku Belouizdad wakiwa na pointi 10.
Kundi B
Huu ndio ulikuwa kundi pekee ambalo halijafikiwa maamuzi kabla ya mechi ya sita, ambapo mabingwa mara kumi Al Ahly na Al Hilal ya Sudan walipambana kwa nafasi moja iliyosalia.
Ni Ahly waliotwaa nafasi ya pili, kwa tofauti ya magoli, baada ya kuwachapa Al Hilal 3-0 nyumbani Cairo na kufikisha pointi 10.
Mamelodi Sundowns, mabingwa wa 2016, walimaliza juu ya kundi hili baada ya kuwafunga Cotonsport 2-1 na kufikisha pointi 14.
Kundi C
Raja Club Athletic na Simba SC wamefuzu kama timu ya kwanza na ya pili mtawalia katika kundi hili. Walikutana Casablanca katika mechi ya mwisho ya kundi hilo, ambapo Raja alikuwa tayari amejihakikishia nafasi ya kwanza.
Raia wa Morocco walishinda 3-1 na kuendeleza rekodi yao ya kutopoteza katika mashindano ya msimu huu na kufikisha alama 16. Simba walimaliza na alama tisa.
Kundi D
Esperance na CR Belouizdad pia walikuwa tayari wamefuzu kwa robo fainali kabla ya mechi ya mwisho ya kundi. Walikutana katika uwanja wa Rades, ambapo mechi hiyo ilimalizika kwa sare ya 0-0.
Esperance walimaliza kileleni kwa alama 11 huku Waalgeria wakishika nafasi ya pili na alama 10.