Kulikuwa na msisimko mkubwa miongoni mwa mashabiki wa Barcelona mnamo Januari wakati Barcelona iliposhinda uamuzi wa mahakama uliowaruhusu kumsajili Gavi kama mchezaji wa kikosi cha kwanza.
Walakini, La Liga ilikasirishwa na uamuzi huu, na Rais Javier Tebas alithibitisha nia yao ya kukata rufaa, ambayo walifuata wiki iliyopita.
Kutokana na hali hiyo, uamuzi huo uliomruhusu kinda huyo mwenye umri wa miaka 18 kuvaa jezi namba sita umeondolewa ikimaanisha kuwa Barcelona wana hatari ya kumpoteza bure msimu huu wa joto.
Licha ya hayo, Gavi bado amesajiliwa kama mchezaji wa kikosi cha kwanza na La Liga, kulingana na Cadena SER. Albert Poch, mwanasheria aliyebobea katika sheria za kibiashara na ushindani, alielezea msimamo wa ligi kuhusu hali hiyo.
“Hadi leo (mabadiliko ya usajili wa Gavi) hayajatokea na bado ni mchezaji wa kikosi cha kwanza, Uamuzi huo tayari unaweza kuchukuliwa na LaLiga, Jambo lingine ni pale watakapoamua kwa busara kuchukua hatua.”
Barcelona huenda ikakata rufaa ya kubatilishwa kwa uamuzi wa awali wa mahakama, ikimaanisha kwamba watakuwa na mikono kamili na masuala ya kisheria katika wiki zijazo, baada ya kushtakiwa na waendesha mashtaka wa Uhispania kuhusu kesi ya Negreira.