Nadhani katika mechi ambayo kwa hivi sasa mashabiki wa klabu ya Yanga walikua wanaisubiria kwa hamu kubwa zaidi ni mchezo wa ligi ya mabingwa barani Afrika dhidi ya CR Belouizdad ambao utapigwa katika uwanja wa Benjamin Mkapa.
Huu ni mchezo ambao umebeba taswira nzima ya kundi D ambalo yuko Medeama , Al Ahly, Yanga Pamoja na CR Belouizdad ambapo mpaka sasa ni wazi kuwa yoyote anaweza kushinda mchezo huu kwa sababu kundi hili la Yanga halihitaji ramli bali linahitaji ushinde nyumbani kwako kwanza halafu wao wengine ndio wakupigie hesabu wewe.
Nyenzo muhimu zaidi pia uwanjani ukiachilia wachezaji na mbinu za kocha basi ni uwepo wa shabiki ambaye anaingia uwanjani kwa ajili ya kuipa hamasa timu yake na kuhakikisha kuwa wanashinda mchezo huu muhimu kabisa ila kumbuka kuwa mashabiki wanapaswa kuhakikisha kuwa wanakwenda kuwatendea haki wachezaji wao kwa kwenda uwanjani tena kwa wingi,
Tunafahamu pia kuwa kuna wakati mashabiki huwa wasumbufu haswa changamoto za kupambana na kutafuta tiketi siku ya mechi jambo ambalo kwangu mimi huwa linanikera, tayari klabu wameshatangaza viingilio vya mechi na tayari tiketi zimeanza kuuzwa mtandaoni hivyo ni muhimu sana kwa mashabiki na wanachama wa klabu ya Yanga kununua tiketi mapema kabisa na uzuri ni kwamba mchezo huu utakua siku ya wikiendi hivyo ni wazi itakua ni siku ya mapumziko.
Umefika wakati wa kuachana na kununua tiketi siku ya mechi ili kuepuka kuuziwa tiketi feki na badala yake wanatakiwa kununua na kuingia mapema kabisa uwanjani kusubiria mtanange huu ambao utaweka asilimia kubwa kwa klabu ya Yanga kutinga hatua ya robo fainali ya michuano ya mataifa barani Afrika.
SOMA ZAIDI: Kiburi Cha Chama Kinalindwa Na Mashabiki Wa Simba