Uros Matic, kaka wa kiungo wa zamani wa Chelsea na Manchester United, Nemanja Matic, amefichua kwamba alikuwa na furaha Cristiano Ronaldo alipojiunga na klabu ya Saudi Pro League ya Al-Nassr.
Ronaldo, 38, alijiunga na Al-Nassr baada ya Manchester United kusitisha mkataba wake kwa maelewano mwaka jana.
Mshindi huyo mara tano wa tuzo ya Ballon d’Or ameanza vyema michuano ya Saudi Pro League, akifunga mabao 12 hadi sasa.
Akizungumza na ArabNews, Matic alisema, “Nilifurahi sana Cristiano alipokuja kwa sababu ni mzuri kwa soka la Saudia, kwa wachezaji wote wanaocheza hapa.
“Ligi ilibadilika papo hapo – watu wengi sasa wanataka kutazama soka la Saudi na unaweza kuona ni vituo ngapi vya TV vilinunua haki za kutiririsha soka la Saudia.
“Amepandisha kiwango na sasa dunia nzima inatazama Ligi Kuu ya Saudia.”