KOCHA wa Manchester City, Pep Guardiola, amempa changamoto Erling Haaland kuvunja rekodi yake ya mabao ya Ligi Kuu ya England baada ya mshambuliaji huyo kuandika upya vitabu vya historia jana usiku dhidi ya West Ham United.
Haaland alifunga bao lake la 35 la ligi msimu huu Jumatano dhidi ya West Ham, na kupita rekodi iliyoshikiliwa na Andrew Cole na Alan Shearer.
Mchezaji huyo mwenye umri wa miaka 22 sasa ana mabao mengi zaidi katika msimu wa ligi kuu tangu Ron Davies wa Southampton alifunga mara 37 mwaka 1967.
Mabao matatu kutoka kwa Haaland, Nathan Ake na Phil Foden yaliipa Man City ushindi wa 3-0 dhidi ya West Ham.
Alisema, “Ilikuwa maalum – yeye [Haaland] alistahili,” Guardiola alisema katika mkutano wake na waandishi wa habari baada ya mechi.
“Bila ya timu, hangeweza kufanya hivyo, lakini ni mshambuliaji maalum.
“Rekodi hii itavunjwa mapema au baadaye, labda naye katika siku zijazo. Tumefurahishwa sana naye kwa sababu ni furaha kufanya kazi naye na kila mtu anafurahi kuwa naye.”
Aliongeza, “Katika mpira wa miguu na hafla maalum, lazima uonyeshe jinsi ilivyo maalum. Kuwashinda Cole na Shearer, washambuliaji wa ajabu, ni maalum.