Imeelezwa kuwa Staa wa Yanga, Dickson Ambundo anaweza akarejea tena Dodoma Jiji kutokana na kukosa namba ndani ya kikosi hicho, ambapo Jesus Moloko anaonekana kuwa kwenye kiwango cha juu.
Habari za ndani zinasema tayari uongozi wa Dodoma Jiji umeanza kufanya mazungumzo na mchezaji huyo na kama mambo yakienda sawa basi msimu ujao atakuwa sehemu ya kikosi chao.
“Ni mchezaji mzuri sana, ndani ya kikosi cha Yanga kuna ushindani mkali hivyo kutocheza mara kwa mara kunamfanya aonekane ameshuka kiwango,” alisema mmoja wa kiongozi wa Dodoma Jiji.
Dickson Ambundo anasifika kwa kasi yake ya haraka na uwezo wake wa kucheza kama mshambuliaji na mchezaji wa pembeni. Amejulikana kwa uwezo wake wa kuwabwaga mabeki na kupenya katika safu ya ulinzi ya timu pinzani. Pia, anao uwezo wa kufunga magoli na kutoa pasi za mwisho kwa wenzake.
Mbali na hayo, Ambundo amekuwa akitoa mchango mkubwa katika timu ya Yanga SC na timu ya taifa ya Tanzania, akionyesha umahiri wake katika ligi za ndani na mashindano ya kimataifa. Uwezo wake wa kiufundi, ujasiri na ubunifu umemfanya awe mchezaji muhimu katika timu yake.
Kwa taarifa za usajili ligi mbalimbali duniani tufuatilie hapa.
