David de Gea Kuelekea Newcastle?

David de Gea amekuwa nje ya soka la kulipwa tangu kutimuliwa na Manchester United mwezi wa Julai lakini huenda akajiunga na klabu moja ya ligi kuu ya Premier League.

Newcastle wanazingatia kumsajili David de Gea baada ya kupoteza huduma ya Nick Pope kufuatia jeraha.

Pope, mwenye miaka 31, huenda akakosekana kwa miezi mitano baada ya kujeruhiwa bega wakati wa ushindi wa 1-0 dhidi ya Manchester United Jumamosi iliyopita.

Jeraha la mlinda mlango limeacha kikosi cha Eddie Howe na Martin Dubravka, Loris Karius, na Mark Gillespie pekee.

Ingawa wana uwezo mzuri, hali ya jeraha la Pope inaweza kumlazimu Howe kuchukua hatua katika soko la usajili.

De Gea, mwenye umri wa miaka 33, bado yupo huru baada ya kuondoka Manchester United mwezi wa Julai.

Mhispania huyo amekuwa akifanya mazoezi kwa miezi mitano iliyopita na anatarajiwa kuwa tayari kucheza wakati wowote atakapohitajika.

Newcastle iliyofadhiliwa na Saudia pia ingeweza kumpa mshahara unaostahili.

Kulingana na Daily Mail, De Gea ni chaguo halisi kwa Newcastle kutokana na upatikanaji wake na historia yake nzuri.

Mshindi huyo wa mataji amecheza zaidi ya mechi 400 za Ligi Kuu na alikuwa Mchezaji Bora wa Mwaka wa Manchester United mara nne.

Inaaminika kuwa Newcastle hawako tayari kumlipa De Gea mshahara wake wa £375,000 kwa wiki aliochukua Old Trafford, ingawa bado atalipwa vizuri.

Pia, itakuwa ngumu kwa nyota huyo mwenye uzoefu kukataa nafasi ya kuwa mlinda mlango namba moja tena katika Ligi Kuu.

Kuna uvumi kwamba Manchester United inaweza kumsajili tena De Gea kabla ya Kombe la Mataifa ya Afrika.

Onana anatarajiwa kuwa sehemu ya kikosi cha Cameroon na huenda akakosa mechi kadhaa za klabu.

Hata De Gea alitoa ujumbe wa kitendawili (cryptic message) baada ya mechi ya Jumamosi.

Howe alikuwa anazungumza na TNT Sports kuhusu jeraha la Pope baada ya ushindi wa Newcastle.

Alisema: “Itakuwa pigo kubwa kwetu ikiwa hatutaweza kumtumia kwa muda. Ilikuwa inaonekana haikua na uzito lakini mara nyingi ndivyo ilivyo na mara nyingi ndizo zinazokuwa za kufikirika zaidi.

“Uliweza kuona alikuwa kwenye maumivu na ilionekana kama alij dislocate bega lake tu alipodumbukia chini. Martin Dubravka aliingia katika hali ngumu na dakika 10 zilizobakia na uongozi finyu, ambayo sio nzuri kwa mlinda mlango yeyote, kwa hivyo nampongeza kwa kufanya vizuri hivyo.”

Soma zaidi: Habari zetu kama hizi hapa