Barcelona ilipata ushindi wa nyumbani wa 1-0 dhidi ya Athletic Bilbao.
Mshambuliaji wa Kihispania mwenye umri wa miaka 17 aliingia uwanjani kuchukua nafasi ya mchezaji mwingine kijana Fermin Lopez dakika ya 79 na akaifungia Barcelona bao haraka sana.
Hii ina maana amefunga bao lake la kwanza katika ligi kuu ya Hispania kwa haraka zaidi kuliko mchezaji yeyote mwingine katika historia ya klabu hiyo.
Ushindi huo uliwapeleka Barcelona nafasi ya tatu kwenye msimamo wa ligi, wakizidiwa pointi moja tu na viongozi Real Madrid, ambao watakutana nao Jumamosi ijayo.
Meneja wa Barcelona, Xavi, alisema: “Nilimwambia atapata nafasi moja nzuri. Napenda kuwaona vijana hawa bila hofu.”
Guiu aliongezwa kwenye kikosi cha wakubwa cha Barcelona kwa sababu kocha Xavi alikuwa na wachezaji kadhaa majeruhi, ikiwa ni pamoja na Robert Lewandowski na Frenkie de Jong.
Guiu alijiunga na kituo cha vijana cha Barcelona, maarufu kama La Masia, mwaka 2013.
La Masia imetoa wachezaji wakubwa kama Lionel Messi, Xavi, Andres Iniesta, Carles Puyol, Gerard Pique, Sergio Busquets, na Jordi Alba.
Cesc Fabregas aliondoka La Masia akiwa na miaka 16 kujiunga na Arsenal, na kocha wa Manchester City, Pep Guardiola, ni mmoja wa wachezaji waliotoka La Masia.
Mtaalamu wa soka wa Kihispania, Guillem Balague, alisema, “Marc amekuwa La Masia kwa miaka 10 na anajulikana kama mshambuliaji mwenye ufanisi zaidi ndani ya eneo la kuchezea.
Kawaida hasaidii sana katika kujenga mchezo lakini ana kitu fulani; anamalizia vizuri sana.”
Wazazi wake walikuwa uwanjani na walilia mara tu baada ya bao kufungwa.
Hii ilikuwa usiku wa kipekee kwa vijana wa Barcelona – timu ilimaliza mchezo na wachezaji wawili ambao hawawezi kurudi nyumbani kwa gari lao binafsi, kwa sababu hawajafikisha umri wa kupata leseni ya udereva.
Kwa kuongezea, walikuwa na Gavi, Fermin Lopez, na Alejandro Balde, ambao wameendelea kupitia mfumo wa vijana wa klabu.
Kwa kushangaza, vijana hawa walitoka katika vizazi tofauti na hawakuwahi kucheza katika timu za vijana pamoja.
Kuibuka kwa wachezaji hawa mara nyingine huwa ni kwa bahati.
Sababu kubwa iliyosababisha hili ni ukosefu wa chaguzi za wachezaji.
Wikiendi hii, walikuwa na wachezaji sita waliojeruhiwa.
Hii imefungua mlango kwa wachezaji chipukizi.
Xavi angependa kuwa na wachezaji wazoefu zaidi, lakini ni habari njema kwa Barcelona kwamba vipaji vijana vinachukua nafasi ya nyota wa gharama kubwa wa zamani.
Soma zaidi: Habari zetu kama hizi hapa