Nyota wa zamani wa Barcelona na England, Gary Lineker amesema kuwa nyota wa Arsenal, Bukayo Saka alistahili tuzo ya mchezaji bora wa msimu.
Lineker alidai hayo baada ya mchezaji huyo wa kimataifa wa Uingereza kufunga mabao mawili siku ya Jumapili na kuisaidia Arsenal kuishinda Crystal Palace 4-1 kwenye mechi ya Ligi Kuu ya Uingereza.
Saka pia alimtengenezea Gabriel Martinelli bao la kwanza la Gunners kabla ya kufunga mawili yeye mwenyewe kila upande wa bao la Granit Xhaka.
Mchezaji huyo mwenye umri wa miaka 21 amekuwa mmoja wa wachezaji muhimu wa Arsenal msimu huu, pamoja na Martin Odegaard na Thomas Partey.
“Ni mchezaji gani, ambaye kama tungepiga kura kesho, angepata kura yangu kwa mwanasoka bora wa mwaka (ndio, kama mwanachama wa Chama cha Waandishi wa Soka napata kura).” Alisema kwenye Mechi ya Siku.
Saka ametikisa nyavu mara 12 na kusaidia 10 katika mechi 28 za ligi hadi sasa msimu huu.