Meneja wa zamani wa Arsenal, Arsene Wenger amemtaja mshambuliaji wa Misri, Mohamed Salah kama mchezaji bora wa kushambulia kwa sasa.
Mshambuliaji huyo wa Misri amefunga mabao 12 katika mechi zake 11 za ufunguzi katika michuano yote msimu huu akiwa na Liverpool.
Mchezaji huyo mwenye umri wa miaka 29 ni miongoni mwa wachezaji 30 wanaowania tuzo ya Ballon d’Or mwaka huu.
Salah alifunga mabao mawili dhidi ya Atletico Madrid kwenye mchezo wa Ligi ya Mabingwa Ulaya Uwanja wa Wanda Metropolitano.
“Yeye ni wa juu, wa daraja la juu na hakika ndiye mshambuliaji bora zaidi kwa sasa duniani kwa sababu anafunga mabao ambayo hakuna mtu mwingine anayeweza kufunga,” Wenger aliambia beIN Sport.
“Lazima ucheze mpira wa mitaani ili kuwapita watu kama hao kwa muda mfupi.
“Amejaa kujiamini na ni mbunifu.
“Kwa ujumla, ninaamini pia kwamba ana akili sana kwa sababu ishara ya wachezaji ambao daima wanaimarika ni akili.”
Salah ashinda tuzo ya Mchezaji Bora wa Mwaka wa Mashabiki wa PFA